Kasofat raqamlar. Abduqayum Yo‘ldosh

Kasofat raqamlar

Reyting: 4.0

Baholar: 6 ta • Taqrizlar: 1 ta • Iqtiboslar: 2 ta

Janr: roman

Kitob haqida

Muvaffaqiyat uchun alohida xususiyat kerakmi yo mehnatning o'zi birlamchi vosita hisoblanadimi? Ya'ni favqulodda iste'dod baxt, rohat-farog'atga to'la hayot kaliti bo'la oladimi? Umuman, odam g'ayritabiiy imkoniyatlaridan qay tarzda foydalanishi lozim: faqat o'zi uchunmi yoki boshqalar bilan birgalikdami? Ushbu romanda o'zgacha xislatli yigitning dolg'ali kechmishlari orqali shu tarzdagi murakkab savollarning javoblari izlanadi.

Qoʻshimcha ma'lumotlar

Asl nomi	Kasofat raqamlar
Birinchi chop etilgan yili	2024
Tili	O’zbek

Taqrizlar

Bahodir Mahmud

8-sentabr, 2025

#MenOʻqiganKitob

Abduqayum Yo'ldoshev. "Kasofat raqamlar"

⭐️ Shaxsiy ball: 7/10

Asar ilstalgan turdagi raqamlarni noodatiy usulda, oldindan ko'ra oladigan Akbar ismli bosh qahramonning g'ayritabiiy bu qobiliyatini maktabdagi ustozi Nazokat opa tomonidan favqulodda kashf etilishi bilan boshlanadi.

Uning bu qobiliyatidan Nazokat opaning o'zi ham, bir vaqtlar mashhur akrobat-sirkchi bo'lgan, hozir esa ichkilikka mukkasidan ketgan ukasi Jonuzoq (Jon Zak) ham maqsadlari yo'lida foydalanib ko'rishadi. Tobora bu "noyob qobiliyat"dan o'z oldiga qing'ir yo'llar bilan pul topishni maqsad qilgan qabih niyatli kimsalar ham xabar topishadi. Masala esa, boshqa: Akbar ularga yordam beradimi yoki yo'q? Buni asarni o'qish davomida bilib olasiz.

Muallifning "Puankare" hikoyasini ko'pchilik o'qigan. Zamonaviy o'zbek adabiyoti hikoyachiligida eng zo'rlaridan biri. Lekin bu asar biroz fantastika yo'nalishi bilan yo'g'rilgani sababli shaxsan men uchun "Puankare"ni bosib o'tolmadi.

🥂 Lekin asar jamiyatda ichkilikbozlik, oson pul topishga ruju qo'yish kabi illatlarga mukkasidan ketish inson uchun ayanchli oqibatlar keltirishini jaydari usulda ko'rsatgan-qo'ygan.

🇺🇿 O'zbek adabiyotidan boshqa o'qigan asarlarim (https://t.me/BahodirMahmud/304)

👁 @BahodirMahmud