Abdulhamid Choʻlpon

Abdulhamid Sulaymon oʻgʻli Choʻlpon (Yunusov) 1897-yilda Andijon shahrida tugʻilgan. Dastlab madrasada (1908–12), soʻngra rus-tuzem maktabida (1912–14) taxsil olgan. Sheʼriy asarlari «Oʻzbek yosh shoirlari», «Uygʻonish» (1922), «Buloqlar» (1923), «Tong sirlari» (1926) va «Soz» (1935) toʻplamlarida, shuningdek, turli gazeta va jurnallarda eʼlon qilingan. 20-yillarda yozgan «Oydin kechalarda», «Qor qoʻynida lola», «Novvoy qiz» tsingari hikoyalari oʻzbek adabiyotidagi lirik nasrning dastlabki mumtoz namunalaridir. «Kecha va kunduz» (1936) romani hamda «Yorqinoy», «Xalil farang», «Oʻldiruvchi» (1921), «Sevgi va saltanat», «Choʻpon sevgisi» (1922) kabi pesalari ham bor (bu asarlarning aksariyati bizgacha yetib kelmagan). Uning tarjimasidagi U. Shekspirning «Hamlet» tragediyasi oʻzbek tarjima sanʼatining shoh namunasi hisoblanadi. U 1938-yil 14-iyul kuni hibsga olinib, koʻp oʻtmay, Toshkent shahri atrofida otib tashlangan. Vafotidan soʻng Alisher Navoiy nomidagi Oʻzbekiston Respublikasi Davlat mukofoti (1991) va «Mustaqillik» ordeni (1999) berilgan.