Jorj Oruell

Jorj Oruell (inglizcha George Orwell), haqiqiy ismi – Erik Artur Bler (inglicha Eric Arthur Blair; 1903–1950) – ingliz yozuvchisi va publitsisti. “Molxona” va “1984” asarlari bilan mashhur. Jorj Oruellning “Hayvonlar xoʻjaligi haqida gʻaroyib qissa” asarida mantiqiy obrazlar orqali “Manel fermasida roʻy bergan voqealar tasvirlanadi. Sobiq Sovet Ittifoqi mustabid tuzumining gʻaroyib “oʻyinlari” asar mazmuniga singdirib yuborilgan. Hayvonlar mustaqillik, erk, ozodlik, baxt, farovon hayot uchun kurashadilar. Lekin ularning maqsadlari sarobga aylanaveradi. Asarda qatagʻonlik davrining xalq boshiga solgan fojialariga alohida eʼtibor berilgan. Jorj Oruellning “Qil ovi”, “Birma kunlari” romanlari ham mashhur.