Martin Iden
Qayerda oʻqish mumkin
Bu kitobning rasmiy elektron/qogʻoz manbasi hali qoʻshilmagan.
Kitob tavsifi
Jek Londonning ushbu eng mashhur avtobiografik romani oddiy dengizchining yuksak maqsadlar sari intilishi, oʻz ustida tinimsiz ishlashi va sevgisi yoʻlidagi ulkan kurashlari haqida. Asar qahramoni Martin Iden yuqori tabaqa vakili Ruf Morzga boʻlgan muhabbati tufayli oʻzini ilm va adabiyot olamiga bagʻishlaydi. Biroq, u orzu qilgan choʻqqiga erishganida, jamiyatning asl basharasini, kishilarning soxtaligini anglab yetadi. Bu asar muvaffaqiyatning achchiq mazasi, yolgʻizlik va inson irodasining naqadar kuchli, ammo moʻrt ekanligi haqidagi oʻlmas qissadir.
Kitob haqida
- Asl nomi
- Martin Eden
-
Tili
Asar yozilgan til
- Ingliz
- Ilk nashr sanasi
- 1909
Statistika
Baholar taqsimoti
Muallifning boshqa kitoblari
Oʻxshash kitoblar
#MenOʻqiganKitob
Jek London. "Martin Iden" (1909)
⭐️ Shaxsiy ball: 8,5/10
Kitob insonni qay darajada yuksaltiradi?
Bu savolga javobni ushbu asar bosh qahramoni chapani dengizchi Martindan so'rang.
Muhabbat insonni qay darajada o'zgartiradi? U yosh va tabaqa tanlaydimi?
Bu savolga javobni ko'ngli kibor oila qizi bo'lmish Rus ismli qizga oshiq bo'lgan Martindan so'rang.
Mehnat insonni qay darajada toblaydi?
Bu savolga ham tirikchilik dardida istalgan ishni qilib ketaveradigan, mehnatdan qochmaydigan Martindan so'rang.
Jek Londonning o'z hayoti tasvirlangan deb ishoniladigan "Martin Iden" 1909-yil dunyo yuzini ko'rgan.
Kitobda individuallik hamda sotsializm g'oyalari o'zaro zidlantiriladi. Oliy sinf vakilasi Rus hamda uning oila a'zolari e'tiborini tortish uchun o'z oldiga kuchli yozuvchi bo'lish maqsadini qo'ygan Martin kitoblar va ilm ummoniga g'arq bo'ladi. Falsafa, she'riyat, nazm uni chinakam ma'noda keng fikrli, teran tafakkurli dono insonga aylantiradi. Qachonlardir kambag'allik va ochlik egizaklari bo'lgan Martin boylik va pul borasida ham yuksaklikka erishadi. Bir vaqtlar e'tiborsiz qoldirilgan sevgi ham eshik taqillatib keladi go'yo.
Xo'sh? Bularning barchasi insonni baxtli qila oladimi? Kitobni o'qib nafaqat yuqoridagi savollarga, balki boshqa savollarga ham javob topasiz. Faqat tushkunlikka tushib qolmang.
📖 Kitobni "Mutolaa (https://t.me/mutolaaxona)" dasturida elektron tarzda bepul o'qishingiz mumkin:
https://mutolaa.com/book/martin-iden
Jahon adabiyotidan boshqa kitoblarga kichik taqrizlar. (https://t.me/BahodirMahmud/1413)
👁 @BahodirMahmud
Yaxshi kitob
Ajoyib zor
Hozircha iqtiboslar yoʻq