Sitsiliyalik (Cho‘qintirgan ota 2). Mario Pyuzo

Amerikalik taniqli yozuvchi Mario Pyuzoning "Sitsiliyalik" romanini "Cho‘qintirgan ota" asarining davomi deyish mumkin. Unda don Korleonening kichik o‘g‘li Maykl taqdiri to‘g‘risida hikoya qilinadi. Shuningdek, jasur qahramon, mard yigit Salvatore Gilyanoning hayoti, metin irodasi, ko‘plab sarguzashtlaru va fojiaviy qismatlar bayon etiladi. Ushbu kitobda do‘stlik va adovat, muhabbat va nafrat, o‘lim va intiqomning sitsiliyacha qonunlari xususida bahs ketadi. Ular inson ruhiyati, ayniqsa qonunni chetlab o‘tuvchi kishilarning ichki dunyosini chuqur biluvchi Mario Pyuzoning diqqatini hamisha jalb qilib kelgan. O‘tkir syujetli, turfa voqealarga boy, o‘quvchini kutilmagan burilishlarga olib kiradigan ushbu asar o‘z muxlislarini topishi muqarrar. Shunday yuksak tushunchalar borki, ular ezgulik, olijanoblik, qadr-qimmat, o‘zaro ishonch, do‘stlik va sadoqatdir. Taassufki, bu yuksak mezonlarga qarama-qarshi o‘laroq, inson qadrini toptash, aldov, firib, xiyonat kabi illatlar ham mavjud. Ochko‘zlik, nafsga hirs qo‘yish, adovat, shaxsiy manfaat yo‘lida boshqalar hayotini izdan chiqarish ayrim kimsalarning tamoyiliga aylangan. Bundaylarni o‘zgartirish dushvor, ular har qanday holatda ham manfurligicha qolaveradi.