Bayramdan boshqa kunlar
Asarlar
Momaqaldiroq ostida sayr
Baholang:
2
kishi oʻqiyapti
3
kishi oʻqib boʻlgan
Janr:
Roman
Zamonaviy adabiyot
Qayerda oʻqish mumkin
Bu kitobning rasmiy elektron/qogʻoz manbasi hali qoʻshilmagan.
Kitob tavsifi
O‘zbekiston xalq yozuvchisi Erkin A‘zamning ushbu yangi romanida so‘nggi o‘n yilliklar davridagi ijtimoiy hayot dolg‘alari girdobida qolgan uch qahramonning chigal taqdiri yoritiladi. Asli bir ko‘chada o‘sib-ulg‘aygan va hayotda o‘z bo‘yidan baland sakrashga uringan bu insonlarning qismati asarda o‘ziga xos haqqoniylik hamda tabiiylik bilan aks ettirilgan. «Momaqaldiroq ostida sayr» romani o‘quvchiga chuqur estetik zavq ulashish bilan birga, inson va jamiyat o‘rtasidagi murakkab munosabatlar haqida mushohada yuritishga undaydi.
Kitob haqida
-
Tili
Asar yozilgan til
- Oʻzbek
Statistika
4.0
Oʻrtacha baho
2
Baholar
Baholar taqsimoti
Muallifning boshqa kitoblari
Oʻxshash kitoblar
Natija topilmadi
Natija topilmadi
#MenOʻqiganKitob
Erkin A'zam. Momaqaldiroq ostida sayr (2025)
⭐️ Shaxsiy ball: 7.5/10
📓 "Mr. BBC" kitobxonlik klubida navbatdagi mutolaa qilgan asarimiz zamonaviy o'zbek adabiyotidan bo'ldi.
Bir qishloqdan chiqqan uch xil inson. Uch xil xaraketer. Uch xil olam. Yurilgan yo'llar, erishilgan yutuqlar ham uch xil. Lekin qachonlardir ularni bir yo'ldan chiqargan taqdir yana bir yo'lga, bir nuqtaga jamladi. Barchaning o'z xulosalari, o'z kechmishlari, kerak bo'lsa bir-biriga aytishni xohlagan uzrlari bor.
Oyravshan - O'z chiroyi bilan uncha-muncha qizni yaqiniga yo'latmaydigan, shu chiroy va shoiralik iqtidori bilan palonchi gazetada, keyin esa televideniyada ishlab "ko'tarilgan" qiz. Yozuvchi tabiri bilan aytganda, ota qishlog'iga poytaxtdan butunlay qaytib kelganda payt “yelkasida kattakon sumka, qo‘lida ham og‘irgina yuk” bilan bo'ladi.
G'ayrat - qishloqning sodda, kamsuqun, qalbi toza, g'ayratli yigitlaridan biri. Oyravshanga oshiq bo'lib unga unashtiriliadi. Eng qiyin paytlarda ham, o'z vijdoniga qarshi bormaydigan, borolmaydigan yigit. Qishloqqa qaytganda esa "yuki birgina osma sumkadan iborat ozg‘inroq kishi" deya tasvirlanadi.
Iskandar - oddiy oiladan chiqqan, nufuzli oliygohda o'qib, mansab pillapoyalaridan asta-sekin "ko'tarilib", kazo-kazolardan biriga aylangan shaxs. G'ayrat va Oyravshan oldida uning katta gunohi bor. Qishloqdoshlari bilan so'nggi bir Amerikaga ketish oldidan ko'rishish uchun kelgan.
Nega asarni o'qish kerak?
Kitob biz haqimizda. Atrofimizdagi odamlar haqida. Bugungi kunning insonlari haqida.Yozuvchi voqealar jarayonini sodda, tushunarli, bir-birga bog'liq holda tasvirlab beradi. Go'yoki televizorda kundalik ko'radigan telenovellalar singari yengil o'qiladi. Lekin asar yakunidagi xulosalar yuki, bosh qahramonlarnikidan ham og'irroq bo'lishi mumkin. Balki o'sha savollar va xulosalar bilan sizning ham momaqaldiroq ostida sayr qilgingiz kelib qolar.
🇺🇿 O'zbek adabiyotidan boshqa o'qigan asarlarim (https://t.me/BahodirMahmud/304)
👁 @BahodirMahmud
Hozircha iqtiboslar yoʻq