Doktor Jekill va janob Haydning gʻaroyib ishi
Baholang:
1
kishi oʻqimoqchi
1
kishi oʻqib boʻlgan
Janr:
Roman
Detektiv
Psixologik
Gotik
Qayerda oʻqish mumkin
Bu sayt — mutolaa kundaligi
Bu yerda kitoblarni oʻqib yoki yuklab (PDF) boʻlmaydi. Oʻqiganlaringizni qayd eting, baholang va taqriz yozing. Batafsil
Bu kitobning rasmiy elektron/qogʻoz manbasi hali qoʻshilmagan.
Kitob tavsifi
Robert Lui Stivensonning jasoratli fan va jinoyat qidiruvi haqidagi taʼsirchan romani qahramoni, advokat Gabriel Jon Utterson eski doʻsti doktor Genri Jekilga yordamga keladi. Ammo u oʻzini samimiy mehmondoʻstlik olamidan Londondagi koʻlamli va shafqatsiz zulmatga tortilganini sezadi. Ushbu zulmat soyalar va tumanlarga burkanib, ruhiy jihatdan buzilgan Edvard Hayd tomonidan taʼqib qilinadi. Uttersonning haqiqatni izlash jarayoni nafaqat burilishlarga boy detektiv hikoya, balki insonning tugʻma ikkilangan tabiatiga bagʻishlangan kuchli mulohaza hamdir. Bu asar, Viktoriya davriga xos cheklangan til bilan tasviriy zoʻravonlikni uygʻunlashtirgan holda yozilgan.
Kitob haqida
- Asl nomi
- Strange Case of Dr. Jekyll and Mr. Hyde
-
Tili
Asar yozilgan til
- Ingliz
- Ilk nashr sanasi
- 1886
- Oʻzbek tilida nashr etilgan sana
- 2026
Statistika
4.0
Oʻrtacha baho
1
Baholar
Baholar taqsimoti
Muallifning boshqa kitoblari
Oʻxshash kitoblar
Natija topilmadi
Natija topilmadi
“ЖЕКИЛЛ ВА ҲАЙД ФОЖИАСИ” Роберт Луис Стивенсон
Баъзи китоблар борки, уларни ўқиб бўлганингиздан кейин ҳам воқеалар, ҳам ўзингиз ҳақингизда тинмай ўйлай бошлайсиз. Роберт Луис Стивенсоннинг «Жекилл ва Ҳайд фожиаси» асари ана шундай асарлардан бири.
1886 йилда ёзилганига қарамай, асар бугун ҳам ўз аҳамиятини йўқотмаган. Технологиялар ва илм- фан ривожланиши, шаҳарлар ва турмуш тарзи ўзгариши мумкин, аммо инсон қалбидаги кураш деярли ўзгармайди. Мавзу ҳозирги виртуаллашган дунёмизда ҳам ўз қийматини сақлаб қолган.
АСАР ИККИ ШАХС ЁКИ ШАХСИЯТНИНГ ИККИГА БЎЛИНИШИ ҲАҚИДА ЭМАС
Асарни ўқиган атрофимдаги китоб шинавандаларидан кўпчилиги худди шундай фикр билдиришди. Фикримча, бу нотўғри талқин. Асарнинг асосий ғояси бир инсоннинг шахс сифтида иккига бўлиниши эмас. Аксинча, ҳар бир инсоннинг ичида яхшилик ҳам, ёмонлик ҳам мавжудлиги ҳақида. Диний таълимотларда ҳам инсон нафс ва тақво ўртасида танлов қиладиган мавжудот сифатида тасвирланади. Гуманистик қарашларда ҳам инсон мутлақ ёмон ёки мутлақ яхши эмаслиги таъкидланади. Стивенсон айнан шу ҳақиқатни бадиий образлар орқали очиб беради.
БИЗ ҚАЙСИ СИФАТЛАРИМИЗНИ РИВОЖЛАНТИРАЯПМИЗ? Асарни ўқир эканман, ўйлаб қолдим. Ҳар бир инсоннинг ичида эзгуликка ҳам, ёмонликка ҳам мойиллик бор. Аммо ҳаёт давомида биз қайси томонимизни кўпроқ парваришласак, вақт ўтиши билан айнан ўша томон бизни акс эттирадиган ҳақиқий борлиғимизга айланади. Табиатимиздаги мутлақ эзгулик ёки салбийлик ўз- ўзидан ҳукмрон томонга айланиб қолмайди. Меҳрибонлик ҳам машқ қилинади. Ғазаб ҳам. Сабр ҳам ўсади. Нафс ҳам ҳакалак отади. Инсон бир кунда ўзгармайди. У ҳар куни қилган кичик танловлари ва амаллари билан шаклланади. Ёзувчи мазкур ҳақиқатни жуда нозик тарзда кўрсата олган.
АСАРНИНГ ЮРАГИ- ИНСОН ТАБИАТИ Баъзан одамнинг ичида шундай ҳислар бўладики, уларни ҳатто ўзи ҳам охиригача англаб етмайди. Аслида инсон тизгинини на қонунлар ва на жамият қоидалари ушлаб тура олади. Уни виждон ушлаб туради. Эътиқод ушлаб туради. Одоб-ахлоқ ушлаб туради. Тарбия ушлаб туради. Агар инсонда ана шу ички устунлар бўлмаса, унинг қалби қай томонга оғишини ҳеч ким башорат қила олмайди. Асарнинг муҳим фалсафаси ҳам шу ерда. Китобнинг яна бир муҳим ғояси — инсоннинг мураккаб табиатидир. Ҳаётда мутлақо мукаммал ёки бутунлай ёмон одам бўлмайди. Ҳар бир инсон ичида қарама-қарши ҳислар, истаклар ва қарашлар яшайди. Баъзан виждон ғолиб келади. Баъзан эса ҳиссиёт ёки нафс. Қиссада инсон оқ ва қора рангларда эмас, балки сон-саноқсиз туслардан иборат мураккаб мавжудот сифатида тасвирланган.
https://telegra.ph/ZHekill-va-%D2%B2ajd-fozhiasi-Robert-Luis-Stivenson-07-28
Nigina Mirzayeva
Бирор саволни ўртага ташлаш гўё тоғдан тош думалатиб юборишга ўхшайди: сиз чўққида бемалол ўтирасиз-у, тош пастга шиддат билан думалаб кетади ва йўлидаги бошқа тошларни ҳам қўзғатиб юборади… воқеа қанча ғалати туюлса, шунча камроқ савол бераман.