Ahmad Lutfiy Qozonchi

Ahmad Lutfiy Qozonchi (Prof. Dr. Ahmet Lütfi Kazancı) 1936-yili Turkiyaning Churum tumanida tugʻilgan. Boshlangʻich maktabni va imom-xatib litseyini shu tumanda bitirgan. 1964-yili Istanbul Oliy Islom institutini muvaffaqiyatli tamomlab, Churum, Siirt, Isparta shahar va tumanlarida din xizmatlarida ishlagan. 1977-yili Bursa Oliy Islom institutiga arab tili va adabiyoti boʻyicha asistent boʻlib ishga kirgan. Hozir Bursadagi Uludogʻ universitetining Ilohiyot fakultetida Islom tarixi boʻlimida xizmat qilayotir. Professor.
Din tarixiga, diniy masalalarga, hazrati Paygʻambar (s. a. v.) va sahobalarining hayotlariga bagʻshlangan yigirmadan ortiq nomdagi (30 jildga yaqin) kitoblarning muallifidir. Bulardan tashqari yana toʻrtta roman ham yozgan.
Uning «Saodat asri qissalari», «Abu Bakr Siddiq r. a.», «Hazrati Umar ibn Hattob r. a.», «Oʻgay ona», «Qaynona» asarlari oʻzbek tiliga tarjima qilinib, nashr etilgan.