Imomning maneken qizi. Amina Shenliko‘g‘lu

Kitob Yoqub imomning va Gulxonimning erkatoy, ammo judayam aqlli qizi Fotimaning hayot yo'li haqida. Fotima oilasidagi yetishmovchiliklar, oddiy hayot tarzi va imomning qizi unday bo'lishi kerak, imomning qizi bunday harakatlar qilmasligi kerak, degan gap-so'zlardan to'yib ketgan edi. Bundan tashqari asarda ayni hozirgi kundagi  butun jamiyatdagi yoshlarning o'zgarib borayotgani, islomni tark etib boshqa oqimga ya'ni ''Materializm'' ga sho'ng'ib ketayotgani haqida so'z ketadi. Fotima ham aynan shu oqimga aralashib qolguday edi. Yoshligidan unga otasi har xil kitoblar olib bergani sababli shu darajada ko'p kitob o'qirdiki, hattoki Qur'onni ham yod olgan edi. U bu kitoblarni befoyda deb o'ylardi. Ammo uni bu oqimga kirib ketmaslikdan aynan mana shu kitoblar qutqarib qoldi.

To'g'ri, u xato qildi lekin xatosini tushunib islomga qaytdi va shu bilan birga to'g'ri yo'ldan adashgan dugonalariga ham o'rnak bo'lib, ularning ham hidoyat yo'liga qaytishiga sababchi bo'ldi. U ''Yo Allohga qaytishim kerak, yoki butunlay Allohni tark etishim kerak'' - deb o'ylardi. Ammo uning qonida haqiqiy, sof islomiy insonning qoni oqmoqda edi. Shuning uchun ham Allohdan yuz o'gira olmadi.

Tavsiya: Menimcha kitobni hamma o'qib chiqishi kerak. Shunchaki sizga iymoningizni yana bir bor eslatib qo'yadigan asar!