Anor daraxti. Nazan Bekiro'g'lu

Ushbu roman gilam savdosi bilan shugʻullanuvchi eronlik savdogar yigitning bir kirib oʻtay deb, Trabzonda qolib ketishi hikoyasi. Bu Sattorxonni olib qolgan muhojir qiz – Zahro qissasi. Bunda tarixdan boshqa barchasi xayolot. Lekin keltirilgan tarix katta asarning asl yuragi. Unda Eron, Boku va Istanbulning tarixi bor. Taxti Sulaymonning yurti bor. Sahifalarda Devon-u Masnaviy, Tabriziy, Hofiz-u Sa’diy nomlari bor. Sharq dostonlaridagi mardlik bor. Ayovsiz urushlarning zabonsiz ovozlari, anor donalariday sochilgan taqdirlar bor.