Baxtiyor Abdug‘afur

Rasulov Baxtiyor Abdug'afur o'g'li 1980-yilning 26-avgustida Namangan viloyati Uychi tumani Yorqo'rg'on qishlog'ida ziyolilar oilasida tavallud topgan. 1987-yilda Uychi tumanidagi 15-sonli o'rta maktabga o'qishga kirgan, so'ng Chortoq tumanidagi iqtidorli bolalar maktab-internatida tahsilni davom ettirgan. 1997-2001-yillarda Namangan Muhandislik pedagogika institutining bakalaviryatini, 2001-2003-yillarda magistraturasini tamomlagan. 2003-2006-yillarda O'zbekiston Respublikasi Fanlar Akademiyasi mikrobiologiya instituti aspiranturasida o'qigan va 2010-yilda biologiya fanlari nomzodi ya'ni Phd doktorlik ilmiy darajasini olgan. 2012-2018-yillarda Xitoy Xalq Respublikasi Fanlar Akademiyasining fizika va kimyo hamda ekologiya va geografiya institutlarida faoliyat olib borgan. 2008-yildan O'zbekiston Respublikasi Fanlar Akademiyasi genetika va o'simliklar eksperimental biologiyasi institutida faoliyat olib bormoqda. Hozirda biotexnologiya va nanotexnologiya labarotoriyasi mudiri. 2019-yilda biologiya fanlari doktori ilmiy darajasiga ega bo'lgan. Hozirda biologik matritsaga turli nanozarralar kiritish va yangi turdagi nanobiomateriallar olish bo'yicha ilmiy izlanishlar olib bormoqdalar.

Baxtiyor Abdug'fur taxallusi bilan qator asarlari e'lon qilingan. “Quyosh mag'ribga botadi”, “Oltinchi yo'lak”, “Olamlar kurashi”, “Malikaning mashum bitigi”, “Alkimyogarlar janggi”,  “Madaminbek: Qonli gullar vodiysi”, “Sulton Jaloliddin Manguberdi”, “Uzbechka” asarlari shular jumlasidandir. Bundan tashqari “Kazbek” asari bugungi kunda juda ommalashgan. 2020-yila “Uzbechka" kitobi Rossiyada “Vecher” nashriyotida rus tilida nashr qilindi. “Uzbechka” asaria asosida film suratga olindi. Hozirda “Sulton Jaloliddin Manguberdi” tarixiy romoninig ikkinchi kitobi ustida ishlanyapti.