Noldan birga. Startaplar haqida qaydlar yoxud kelajakni qanday qurish mumkin. Piter Til, Bleyk Masters

#MenOʻqiganKitob

Piter Til (Bleyk Masters) "Noldan birga" (2014)

📓 Goodreads: 4.15/5
⭐️ Shaxsiy ball: 9/10

Qisqa qilib aytganda ajoyib kitob! 🔥

Kitob muallifning o'z tilidan hikoya qilinadi. Uning Ilon Mask va boshqalar bilan qanday qilib Paypalni yaratgani, qanday qilib Feysbukning ilk investorlaridan biri bo'lgani va boshqa muvaffaqqiyatli jarayonlar haqida o'z hayotir tajribalariga asoslangan holda hikoyalar keltiradi. Kitob tili sodda, murakkab jumla va iboralarni deyarli uchratmaysiz. Unda nafaqat biznes, shuningdek, ijodiy va o'zgacha fikrlash, boshqalardan ajralib turish  va oldinga to'g'ri qadam tashlash borasida qimmatli maslahatlar va yechimlarga duch kelishingiz mumkin.

🏆 E'tiborimni tortgani "Zakovat" intellektual o'yinlarida savol bo'lib tushadigan ko'plab ma'lumotlarning kitobda mavjudligi. Misol uchun yaqinda Namangan zakovat klubida "Kapitoliy" navbatchiligida Ted Kachinskiy (UnaBomber) (https://t.me/ShavkatbekShokirovblogi/479) haqida savol tushdi. Kitobda Kachinskiy haqida qiziq ma'lumotlarni uchratishingiz mumkin.

Kimlar o'qishi kerak? Biznes, xizmat ko'rsatish, marketing, iqtisodiyot, menejment, PR va HR sohalarida ishlovchi va mana shu sohaga qiziquvchi barcha. Shuningdek, "Zakovat"chilar ham o'qishsa foydadan holi bo'lmaydi.

Kitob javonimda bu kitobga joy bormi? ✅ Albatta. "Asaxiybooks" tomonidan qattiq muqovada chop etilgan (https://asaxiy.uz/uz/product/piter-til-bleyk-masters-noldan-birga-startaplar-haqida-qaydlar-yohud-kelajakni-qanday-qurish-mumkin) sifatli versiyasi allaqachon kitob javonimdan joy oldi.

👁 @BahodirMahmud