Chalg‘ituvchi dunyoda muvaffaqiyat sirlari. Kel Nyuport

Ishda, oʻqishda diqqatingizni jamlay olmaysizmi? Doim Telegram, Instagram va boshqa ijtimoiy tarmoqlar sizni chalgʻitadimi? Demak, AQShlik professor Kel Nyuportning maslahatlari aynan siz uchun. Diqqatni jamlab, chalgʻimasdan oʻz faoliyati bilan shugʻullanish muammoga aylangan zamonda professor oʻzining ilmiy asosga ega maslahatlari bilan sizga yordamga keladi. Kitobda eng muhim mavzu, keraksiz kichik narsalarga chalgʻimasdan, diqqatni murakkab va muhim vazifalarga jalb qilish haqida yozilgan. Kitobda taʼkidlanishicha zamonaviy dunyoda diqqatini jamlab, bir vazifa ustida ishlay bilgan odamlargina haqiqiy yutuqlarga erisholadi. Teran ish — bu kognitiv jihatdan talabchan vazifadan chalgʻimasdan diqqatni jamlash qobiliyati. Bu sizga murakkab maʼlumotlarni tezda oʻzlashtirish va qisqa vaqt ichida yaxshi natijalarga erishish imkonini beradigan mahoratdir. Teran ish sizni qilayotgan ishingizni samaraliroq qiladi va ish jarayonida haqiqiy qoniqish hissini beradi. Muallif va professor Kel Nyuport “Diqqat: Chalgʻituvchi dunyoda muvaffaqiyat sirlari” asarida ijtimoiy tarmoqlarning hayotga taʼsiri haqida hikoya qiladi. Chalgʻish yomon deb bahslashish oʻrniga, u aksincha teran ish kuchini koʻrsatib beradi. Kitobni oʻqib turib, siz ijtimoiy tarmoqlar, messenjerlarning bizning hayotdagi oʻrni va ahamiyati haqida oʻzingizga savollar berib boshlaysiz.