Bo'ronlarda bordek halovat. Asqad Muxtor

Ushbu asar yuzaki qaraganda hayot bo'ronlari, sahro bo'ronlari bilan yuzma-yuz turib, kurashib, yengib yashagan, sahro-cho'ldan oltin izlagan inson - Mardonqul Zargarov haqida yozilganday tuyuladi. Lekin asarni diqqat bilan o'qib chiqsangiz, unda asar yozilgan davrning bir qancha ijtimoiy muammolari ham ko'rsatilganligiga guvoh bo'lasiz. Bunga misol qilib ma'lum bir jinoyati uchun ozodlikdan mahrum bo'lib, o'z aybini xalq-yurt farovonligi yo'lida o'tashga harakat qilgan yoki o'z mansabidan foydalanib yurt boyligini talon-taroj qilayotgan insonlarning ham kirdikorlari ochib berilgan. Shuningdek, asarda asosiy e'tibor insonning qadr-qimmati. muhabbati, er-xotin munosabatlariga qaratilgan desak ham mubolag'a boʻlmaydi. Buni ushbu asardan yig'ilgan «Yon daftarga muhrlanuvchi bitiklar»da ham ko'rish mumkin.