Gʻafur Gʻulom

Gʻafur Gʻulom 1903-yil 10-mayda Toshkent shahrida tugʻilgan. Oʻzbekiston xalq shoiri (1963). Toshkent shahrida Koʻrgʻontegi mahallasidagi eski maktab va madrasada, rus-tuzem (1916) va «Hayot» maktablarida (1918) tahsil olgan. «Dinamo», «Yigit», «Egalari egallaganda», «Xitoydan lavhalar» (1931), «Tirik qoʻshiqlar» (1932), «Koʻkan» (1934), «Sizga» (1935), «Chashma» (1939), «Yangi sheʼrlar», «Sheʼrlar» (1946), «Oʻzbek elining gʻururi» (1949), «Sharaf qoʻlyozmasi» (1950), «Tanlangan asarlar» (1956–59, 4 jildli) sheʼriy toʻplam va dostonlari, «Joʻraboʻza» hikoyalar toʻplami, «Muxbir sudi» (1929) pesasi hamda «Netay» (1932), «Tirilgan murda» (1935), «Yodgor», «Shum bola» (1938) kabi qissalar muallifi. Asarlari asosida teatr spektakllari va kinofilmlar yaratilgan («Shum bola» va boshqa). «Otello», «Qirol Lir» tsingari jahon va rus adabiyoti durdonalarini oʻzbek tiliga tarjima kilgan. 1966-yil 10-iyulda Toshkentda vafot etgan. Vafotidan soʻng «Buyuk xizmatlari uchun» ordeni bilan mukofotlangan (2000).