Avrangzeb Olamgir. Ahmad Muhammad Tursun

"Avrangzeb Olamgir" asari "Dunyoni tebratgan buyuklar" rukni ostidagi turkum risolalar tarkibiga kiruvchi ilk kitobdir. Ushbu risolalarda insoniyat tarixida chuqur iz qoldirgan atoqli hukmdorlar, nomdor sarkardalar, ulug‘ donishmandlar va mashhur adiblar, yetuk ulamolar va fozil kishilarning hayot sahifalari, hasbi hollari dalil-xujjatlar asosida qiziqarli hikoya qilinadi. Ushbu risolalar xalqimizning, ayniqsa yoshlarning bilim va saviyalarini kengaytirishda, dunyoqarashlarini har tomonlama boyitishda, ulug‘larimizning hayotlaridan ibrat olish, ularga ergashib, xulq-fe’llarini o‘nglashda yordam va foyda keltirishdan umidvormiz. "Avrangzeb Olamgir" mana shunday zotlardan biri, salkam yarim asr boburiylarning hind elida tuzgan ulkan saltanatiga mohirlik bilan rahbarlik qilgan mashhur sarkarda va ma’rifat homiyi Avrangzeb Olamgirning hayoti va faoliyatiga bag‘ishlandi.