Yolg‘onlar shahri. Ramita Navai

Yolg‘onlar shahri

Reyting: 3.0

Baholar: 1 ta • Taqrizlar: 1 ta • Iqtiboslar: 0 ta

Janr: Ilmiy-ommabop

Kitob haqida

U shunday shaharki, odamlar oʻzlarining asl istaklarini pinhon tutishga, din va anʼana talablariga muvofiq yashayotganini koʻrsatishga majbur. Bu shaharda yashash uchun yolgʻon gapirish kerak. Bu yerda yolgʻon soʻzlash hayot va mamot masalasidir. Bu shahar ahli diniy majburiyatlar yuk va samimiy insoniy istaklar oʻrtasida sargardon kezadi. Bu shahar Tehron, Eron Islom Respublikasining poytaxti. “Yolgʻonlar shahri” bugungi Tehronning unutilmas manzarasini chizib beradi. Bu kitob tehronliklar tuzumning shafqatsiz bosimi ostida qanday yashayotgani, tuygʻulari, shodlig-u iztiroblarini qanday ifodalayotgani, umuman, turfa xil insonlar taqdiri haqida hikoya qiladi.

Qoʻshimcha ma'lumotlar

Asl nomi	City of Lies
Birinchi chop etilgan yili	2014
Tili	Ingliz

Taqrizlar

Bahodir Mahmud

7-may, 2025

#MenOʻqiganKitob

📓 Ramita Navai. "Yolg'onlar shahri" (City of Lies) 2014

Ramita Navaining bu asari asosan 1979-yilgi Eron Islom inqilobidan keyin (ma'lumot uchun, aynan bugun bu voqeaga 44 yil to'ldi. 1988-yil barham topgan) gi davrni, ayniqsa inqilobdan keyingi bir necha o‘n yilliklar hayoti haqida hikoya qiladi. Kitobda muallif Tehron shahridagi odamlar hayoti orqali Eron jamiyatida o‘tgan asrning oxiri va XXI asrning boshlarida yuzaga kelgan siyosiy va ijtimoiy o‘zgarishlarni tasvirlaydi.

Asar nima haqida? Bir necha insonlarning boshida o'tgan voqealarni hikoya qilish asnosida o'sha davrdagi ijtimoiy-siyosiy vaziyatlar haqida ma'lumot beradi. Aynan bosh qahramon mavjud emas.

Asar nima demoqchi? Asar jamiyatdagi yolg'onlar va yashirin hayot haqida hikoya qiladi. Lekin mazmunan teran, ulkan g'oya va ma'no mavjud emas. Sariq adabiyotga tortib ketadigan asar.

Kitobni tavsiya qilamanmi? ❌ Yo'q. Maqtagulik kitob emas. Shunchaki bir nechta odamning boshidan kechirgan voqea-hodisalari. Yaxshi-yomon, maqtanadigan-afsuslanadigan, havas qilib-achiniladigan insonlar haqidagi oddiy hikoyalar bilan tayyorlangan, maishiy mavzularni o'z ichiga olgan kitob, shu xolos.

P.S.: Zakovat savollarining 8-savolida (muallif familiyasi - Navai) tushib qolish ehtimoli bo'lgan kitob )

📚 Men o'qigan boshqa kitoblarga taqrizlar (https://t.me/BahodirMahmud/304)

Hech nima topilmadi

Yolg‘onlar shahri. Ramita Navai