Anor

Atoqli ozar adibi Anor (Anar Rəsul oğlu Rzayev) 1938-yili Boku shahrida mashhur shoirlar Rasul Rizo va Nigor Rafibeyli xonadonida tavallud topgan. 1960-yili Ozarbayjon Davlat universitetining filologiya fakultetini, 1964-yili esa Moskvadagi Oliy ssenariynavislik kursini tugatgan.
U “Dantening yubileyi”, “Oq koʻrfaz”, “Besh qavatli uyning oltinchi qavati”, “Muloqot”, “Sizsiz”, kabi asarlarida zamondoshlar obrazini yaratishga intiladi, anʼanaviy tushuncha va urf-odatlarning ular hayotiga taʼsirini tadqiq qiladi. Anor “Har oqshom oʻn birda” (1969), “Kun keldi” (1971),  “Taxmina” (1993) filmlari uchun ssenariy ham yozgan.