Xayriddin Sultonov

Xayriddin Sultonov 1956-yil 19-yanvarda Toshkent viloyati Qibray tumanining Tuzel qishlogʻida tugʻilgan. ToshDUning jurnalistika fakultetini tamomlagan (1978). “Quyosh barchaga barobar” (1980), “Bir oqshom ertagi” (1983), “Onamning yurti” (1987), “Umr esa oʻtmoqda” (1988), “Boburning tushlari” (1992), “Boburiynoma” (1997), “Saodat sohili” (2005) kabi nasriy kitoblari nashr etilgan. “Changak”, “Moziydan bir sahifa”, “Mehrobdan chayon” kabi videofilmlar hamda “Tushlarimda koʻrib yigʻlayman”, “Yozning yolgʻiz yodgori” ssenariylari asosida badiiy filmlar suratga olingan. “Sarhovuzning boʻylarida” (1992) nomli dramasi ham bor. A. Sent-Ekzyuperi, I. Nagibin, V. Shukshin kabi adiblarning asarlarini oʻzbek tiliga tarjima qilgan. “Shuhrat” medali (1996), “Mehnat shuhrati” ordeni bilan mukofotlangan (2003).