Xaruki Murakami 1949-yil 12-yanvarda Yaponiyaning Kioto shahrida tugʻilgan. Uslubining ravonligi, tasvirda aniqlik va qisqalikka intilishi, “kam gapirib koʻp fikr ayta olish” mahorati uni mashhur qilgan jihatlardan. Hozirgi zamon postmodern adabiyotiga xos xususiyatlar Murakami romanlarida boʻrtib koʻzga tashlanadi.

“Shamol qoʻshigʻini tingla” (1979), “Pinbol 1973” (1980), “Qoʻy ovchisi” (1982), “Dong qotgan moʻjizalar mamlakati va dunyoning oxiri” (1985), “Norveg oʻrmoni” (1987), “Dens, Dens, Dens” (1988), “Chegaradan janubda, Quyoshdan gʻarbda” (1992), “Murvatli qushchaning yilnomasi” (1994), “Mening sevimli Sputnikʼim” (1998), “Kafka sohilda” (2002), “Zimistondan soʻng” (2004), “1Q84” (2009), “Rangsiz Skuru Tadzaki va uning ziyorat yillari” (2013) romanlari chop etilgan.