Olmon shoiri va yozuvchisi Volfgang Borxert (nem. Wolfgang Borchert) 1921-yilda Gamburgda tugʻilib, 1947-yili Shveysariyaning Bazel shahrida ogʻir betoblikdan vafot etgan. U juda qisqa umr kechirgan boʻlsa-da, oʻzidan bitta drama, gʻoyat nafis sheʼrlar, koʻplab hikoyalar meros qilib qoldirgan.
Adolatsiz urush tufayli shoir juda koʻp begunoh olmonlar singari oʻz uyida, oʻz vatanida yashab vatangado boʻldi. Behad qaynoq qalb egasi boʻlgan Borxert hayoti azob-uqubat, sarson-sargardonlikda kechdi. Shoirning butun ijodi fashizm balosini, urushni qoralashga bagʻishlangan.