Uilyam Saroyan kichik hikoyalar ustasidir. U Kaliforniyada tavallud topgan. Yozuvchi sakkiz yoshidanoq ogʻir mehnat qilishni boshlaydi. Uilyam Saroyan hamma vaqt oʻz qaygʻu va quvonchlarini hikoyalarining qahramonlari boʻlgan Amerikaning qashshoq odamlari bilan birgalikda baham koʻrgan. Pulitser mukofotini qabul qilishdan bosh tortgan (1940), eng yaxshi ssenariy uchun Oskar mukofotini olgan (1943)
U “Uchayotgan trapetsiyadagi shovvoz yigit” (1934), “Yosh bolalar” (1937), “Mening ismim Aram” (1940), “Butun dunyo” (1956) kabi novellalar toʻplamlarining, “Insoniy komediya” (1943), “Vesla Jeksonning sarguzashtlari” (1946), “Onajonim, sizni sevaman” (1956), “Haddingizdan oshmang, dadajon” (1957) romanlarining, koʻplab pyesa, avtobiografik asarlarning muallifi.