Said Ahmad

Said Ahmad (Hasanxoʻjayev Saidahmad) 1920-yil 10-iyunda Toshkent shahrida tugʻilgan. Oʻzbekiston xalq yozuvchisi (1980). Oʻzbekiston Qahramoni (1999). Oʻzbekistonda xizmat koʻrsatgan madaniyat xodimi (1968). Toshkent rassomchilik bilim yurtida, Toshkent pedagogika institutida oʻqigan (1940–43). Birinchi hikoyalar toʻplami – «Tortiq» (1940). Ijodining kattagina qismi hajviy-yumoristik hikoyalar, qissalar, komediyalardan iborat. «Er yurak» (1942), «Fargʻona hikoyalari» (1948), «Choʻl burguti» (1960), «Choʻl oqshomlari», «Odam va boʻron, «Yoʻqotganlarim va topganlarim» (1998), «Qorakoʻz majnun» (2001), «Kiprikda qolgan tong» (2003) kabi asarlar muallifi. «Ufq» trilogiyasi (1964–74), «Jimjitlik» romani (1988), «Xandon pista» (1994), «Bir oʻpichning bahosi» (1995) hajviy toʻplamlari, 3 jildli «Tanlangan asarlar»i (2000) nashr etilgan. Uning yumoristik mahorati «Kelinlar qoʻzgʻoloni» (1976), «Kuyov» (1986) komediyalarida yorqin namoyon boʻlgan. Feleton janrida ham samarali ijod kilgan. 1947-yil «xalq dushmani» sifatida hibsga olingan. Stalin vafotidan soʻng oqlangan. «Kelinlar koʻzgʻoloni» dunyoning koʻplab mamlakatlarida sahnalashtirilgan. 2007-yil 5-dekabrda Toshkent shahrida vafot etgan.«Doʻstlik» (1996), «Buyuk xizmatlari uchun» (1997) ordenlari bilan mukofotlangan.