Nusrat Rahmat

Publitsist, yozuvchi va jurnalist Nusrat Rahmat 1941-yilning 3-iyul kuni Samarqand tumanidagi Qoʻshmachit qishlogʻida tugʻilgan.“Lenin yoʻli” gazetasida ishlagan, “Qishloq haqiqati” gazetasining Samarqand, Buxoro viloyatlari boʻyicha muxbiri boʻlgan. Keyin Toshkentga koʻchib “Oʻzbekiston adabiyoti va sanʼati” gazetasi, “ Mehnat” nashriyoti, Oʻzbekiston tabiatni muhofaza qilish qoʻmitasida xizmat qilgan.“Agar tabiatni sevsangiz” degan ilk kitobchasi 1975-yili nashr etildi. Keyin “Chanqovuz”, “Olis-olis soʻqmoqlar”, “Dasht”, “Zamondosh oʻylari”, “ Seleksiya moʼjizasi”, “Soʻqmoqlar va saboqlar” singari yigirmadan koʻproq hikoya va ocherklardan iborat kitob va kitobchalari bosilgan.“Taqdimot” sheʼrlar, “Fojia” deb nomlangan hikoyalar toʻplami, shuningdek, “Men muxbirman”, “Men redaksiyadanman”, “Eng ashaddiy kallakesar“, “Asqad Muxtor dedilar” singari kitoblari; gazeta, jurnal va Internet saytlarida yuzdan ortiq maqolalari chop etilgan. U 2004-yilda “Oʻzbekistonda xizmat koʻrsatgan jurnalist” unvonini olgan.