Normurod Norqobilov

Normurod Norqobilov 1953-yil 7-iyunda Qashqadaryo viloyatining Yakkabogʻ tumanidagi Qishliq qishlogʻida tugʻilgan. Oʻzbekistonda xizmat koʻrsatgan madaniyat xodimi (2006). ToshDUning jurnalistika fakultetini tugatgan (1982). Dastlabki hikoyasi – «Chorraha» (1982). «Zangori koʻl» (1987), «Unutilgan qoʻshiq» (1990), «Yuzma-yuz» (1993), «Paxmoq» (1997), «Sariqgul» (1998), «Arazchi chumchuq» (1999), «Bekatdagi oq uycha» (2000), «Joʻshqin daryo», «Ovul oralagan boʻri» (2005), «Boʻron qoʻpkan kun» (2007) kabi qissa va hikoyalardan iborat toʻplamlari nashr etilgan. «Quyoshi botmaydigan yurt», «Shim yoxud xotinlar janjali» nomli asarlari asosida bir necha qismli videofilm yaratilgan.«Shuhrat» medali bilan taqdirlangan (1999).