Nabijon Boqiy

Nabijon Boqiy 1956-yil 7-noyabrda Fargʻona viloyati Bagʻdod tumanidagi Chuvalanchi qishlogʻida tugʻilgan. ToshDUning jurnalistika fakultetini tamomlagan (1984). “Bir muhabbat qissasi” (1990), “Qatlnoma” (1992), “Gulzamira” (1994), “Chingiz afandiga maktublar” (2004), “Anvar poshoning vasiyati” (Istanbul, 2006) kabi qissalari chop etilgan. Robert Luis Stivensonning “Merosxoʻr”, “Katriona” romanlarini (1990) hamda Chingiz Aytmatov va Muxtor Shoxonov yozgan “Choʻqqida qolgan ovchining ohi zori” (1998, Yo. Xoʻjamberdiyev bilan hamkorlikda) kitobini,  Georgiy Pryaxinning “Tushlarimga kirar Hazora” romanini (2013) oʻzbek tiliga tarjima qilgan. Sadriddin Ayniyning “Sudxoʻrning  oʻlimi”  qissasi asosida 10 qismdan iborat kino-qissa yozgan (2007).“Shuhrat” medali bilan taqdirlangan (1996).