Muhammad Sharif

Adib va jurnalist Muhammad Sharif (Muhammadsharif Mamatqulov) 1968-yil Namangan viloyati, Kosonsoy tumanining Goʻrmiron qishlogʻida tugʻilgan. Toshkent davlat universitetining jurnalistika fakultetida tahsil olgan (1988-1993). Hikoyalari «Yoshlik» va «Sharq Yulduzi» jurnallari hamda respublikaning boshqa adabiy jurnal va gazetalarida 1990-yillardan buyon chop etib kelinadi. Turli yillarda «Hayot va iqtisod», «Oʻzbekiston tabiati», «Vatan» nashrlarida, Oʻzbekiston Milliy axborot agentligida, Birlashgan Millatlar Tashkilotining Atrof-muhit dasturida faoliyat yuritgan. 2014-yili “S. A. xotiralari” qissasi Markaziy Osiyoning beshta mamlakati ijodkorlari uchun oʻtkazilgan novellalar konkursida beshta eng yaxshi asarlardan biri sifatida gʻolib topilib, ingliz va rus tillariga tarjima qilingan va  http://novellasia. net vebsaytida onlayn buklet sifatida eʼlon qilindi. “Kuldirgich” hikoyasi 2015-yili Rossiyaning “Zvezda” jurnalida chop etilgan. 2016-yili yozuvchining ilk hikoyalar toʻplami – “Tolkoʻprik” kitobi nashrdan chiqdi.