Mirzo Ahad

Mirzo Ahad 1974-yilda Buxoro viloyati Gʻijduvon tumanida tugʻilgan. Kattaqoʻrgʻon tijorat texnikumini tugatgan. Ijodini oʻtgan asrning 90-yillarida boshlagan. 2007-yildan beri Oʻzbekiston Yozuvchilar uyushmasi aʼzosi.“Homiyning zoʻri” (2001), “Jaholat qurboni” (2003), “Oramizdagi odamlar” (2003), “Arvoh sim qoqdi” (2004), “Shifobaxsh kulgi” (2005), “Qitigʻi oʻlmagan “beva”. (2006), “Tili shirin bolalar” (2007), “Ilk boʻsa” (2007), “Eng sodda odam” (2008), “Burunning tortish kuchi” (2008), “Dumli besh” (2009), “Makkora” (2009) nomli kitoblari chop etilgan. Hozirgi kunda Oʻzbekiston Respublikasi Ichki ishlar vazirligi “Birlashgan tahririyati”ning oʻz muxbiri. Hajviy hikoyalari respublika matbuotida muntazam yoritib kelinmoqda.