Mamatqul Hazratqulov 1947-yil 1-fevralda Samarqand viloyati Urgut tumanidagi Mingbuloq qishlogʻida tugʻilgan. Oʻzbekistonda xizmat koʻrsatgan jurnalist (1988). ToshDUning jurnalistika fakultetini tamomlagan (1970). “Oqqush” (1978), “Choʻli iroq” (1982), “Hayotning bir parchasi” (1984), “Intizor” (1985), “Quyosh men tomonda” (1986), “Qoʻzichoqning koʻz yoshlari” (1987), “Jurʼat” (1989), “Eshiklar ochiq” (1991), “Chiroq oʻchmagan kecha” (2002), “Koʻkkoʻl” (2005) kabi hikoya va qissalar toʻplamlari nashr etilgan. “Mehr koʻp koʻrgazdim” (1989), “Mehmon” (1986), “Qadrim” (1992), “Afandining yangi sarguzashtlari” (1993) nomli pyesalar muallifi. L. Tolstoy, V. Shukshin kabi rus adiblari, shuningdek, ozarbayjon, tojik, tatar va yapon yozuvchilarining hikoya va qissalarini oʻzbek tiliga oʻgirgan. “Lev Tolstoy va oʻzbek adabiyoti” (1980) degan risolasi ham bor.