Mahmud Boʻron

Mahmud  Boʻron (Mahmud  Boʻronov) 1957-yilda Buxoro viloyatining Gʻijduvon tumanida tugʻilgan. 1979-yilda Toshkent Davlat universitetining fizika fakultetini tugatgan. Oʻz faoliyati davomida Oʻzbekiston Fanlar akademiyasining Kibernetika institutida, Buxoro Davlat universitetida, Oʻzbekiston Davlat televideniye va radio qoʻmitasida, Respublika Bosh hisoblash markazi Buxoro filialida ishlagan. M. Boʻron 1986-yildan buyon ijod bilan shugʻullanadi. U Oʻzbekiston Yozuvchilar uyushmasida, «Inson va qonun», «Oʻzbekiston adabiyoti va sanʼati» gazetalari hamda  «Avtohamroh», «Sanʼat» jurnallarida muxbir va muharrir vazifalarida ishlagan. Uning hajviy asarlari «Mushtum», «Yoshlik» jurnallari, «Buxoronoma», «Oʻzbekiston adabiyoti va sanʼati», «Oila davrasida» gazetalarida chop etilgan. Ayni paytda «Oila davrasida» gazetasida mehnat qilmoqda.