Furqat Alimardon 1991-yilda Surxondaryo viloyati Qumqo‘rg‘on tumanida tug‘ilgan. 2014-yilda O‘zbekiston davlat san’at va madaniyat institutining «Xalq ijodiyoti» fakultetini tamomlagan. Talabalik paytidan boshlab, respublika nashrlarida hikoya va maqolalari e’lon qilinadi. Hozirda «Ma’rifat»-«Uchitel Uzbekistana» gazetalari tahririyatida faoliyat yuritadi. Abu Muin Nasafiy hayoti va faoliyatiga bag‘ishlanib suratga olingan "Haqiqat qilichi" nomli hujjatli film ssenariy muallifi. 2019-yilda Yozuvchilar uyushmasi tashabbusi bilan "Quyosh kulib boqadi" nomli hikoyalar to‘plami chop etilgan.