Kuprin Aleksandr Ivanovich [1870. 26. 8(7. 9), Varovchat shahri – 1938. 25. 8, Leningrad] – rus yozuvchisi.
Dastlabki asarlarida kambag‘allar hayotini, kishilarning og‘ir turmush tarzini realistik tasvirlagan («Ofat» qissasi, 1896). Ijodida ijtimoiy-tanqidiy kayfiyatlarning kuchayishi «Yakkama-yakka olishuv» (1905), «O‘ra» (1909–15) qissalarida aks etgan. Nafis ifodalangan obrazlarning xilma-xilligi, lirik holatlari «Olesya» (1898), «Gambrinus» (1907), «Yoqut ko‘zli bilaguzuk» (1911) kabi qissa va hikoyalarida mujassamlashgan. «Listrigonlar» ocherklar turkumi (1907–11) bor.
1919–37-yillarda muhojirlikda (asosan, Parijda) yashab, «Yunkerdar» (1928-32), «Janeta» (1932-33) qissalarini, bir qancha ocherk va hikoyalarni yaratdi. Ularning ko‘pchiligi esdaliklar asosida yozilgan. Uning ko‘pgina asarlari bo‘yicha ssenariylar yozilib, ekranlashtirilgan. Asarlari chet tillarga, shu jumladan, o‘zbek tiliga ham tarjima qilingan.