Ahmad Aʼzam

Ahmad Aʼzam – yozuvchi, munaqqid, ssenarist, telejurnalist. 1949-yili Samarqand viloyati, Jomboy tumanidagi Gʻazira qishlogʻida tugʻilgan. 1971-yili Samarqand davlat universitetining oʻzbek va tojik filologiyasi fakultetini bitirgan. Shu yili Alisher Navoiy nomidagi muzeyda ish boshlagan. Keyin “Guliston” jurnali, “Oʻzbekiston adabiyoti va sanʼati” gazetasi, “Sovet Oʻzbekistoni sanʼati” jurnali redaksiyalarida, Oʻzbekiston Yozuvchilar uyushmasida ishlagan, siyosiy faoliyat bilan shugʻullangan, “Birlik” xalq harakati hamraisi, “Erk” demokratik partiyasi bosh kotibi boʻlgan. Oliy Majlis deputatligiga saylangan (1999-2004-yillar). 1995-yildan Oʻzbekiston televideniyesida bosh muharrir, “Oʻzbekiston” telekanali bosh direktori,. “Oʻzbektelefilm” studiyasi bosh direktori lavozimlarida ishlagan. Oʻzbekiston televideniyesida yuzlab koʻrsatuvlar va hujjatli filmlar qilgan, ulardan eng mashhurlari: “Oʻzlik”, “Xalqning koʻngli”, Toʻrtinchi hokimiyat” .“Oyning gardishi”, “Bu kunning davomi”, “Asqartogʻ tomonlarda”, “Soyasini yoʻqotgan odam”, “Hali hayot bor” degan nasriy asarlar, “Masʼul soʻz” degan adabiy-tanqidiy maqolalar toʻplamlari, “Oʻzi uylanmagan sovchi”, “Roʻyo yoxud Gʻulistonga safar” romanlari chop etilgan. Ahmad Aʼzam 2014-yil 4-yanvar kuni Toshkent shahrida vafot etdi.