Abu Ali ibn Sino

Buyuk daho Abu Ali al-Husayn ibn Abdulloh ibn al-Hasan ibn Ali ibn Sino hijriy 370 (milodiy 980) yilda Buxoroning Afshona, hozirgi Isfana qishlogʻida tugʻilgan. Ibn Sino 1002-yilda Buxorodan chiqib ketadi, Urganch, Obivard, Naso, Nishopur, Jurjon, Ray, Isfahon, Hamadon kabi shaharlarda boʻladi. U 1037-yilda (hijriy 428) 57 yoshida Hamadon shahrida vafot etadi. Mutafakkirning turli fanlarga oid 450 dan ortiq ilmiy asarlar yaratganligi maʼlum. Biroq bizgacha Ibn Sinoning 242 ta asari yetib kelgan. Shulardan 4 tasi adabiyotga, 5 tasi musiqaga, oʻndan ortigʻi astronomiyaga oid asarlardir va hok.
Ibn Sino Sharqda «Shayxur-Rais», Gʻarbda esa «Avitsenna» nomi bilan mashhur. Uning nasriy asarlari arab tilida yozilgan. «Yusuf qissasi» Qurʼon syujeti asosida yozilgan birinchi asar boʻlib, ramziy-majoziy usuldadir. «Rasolat – at tayr» («Qush risolasi»), «Uygʻoq oʻgʻli Tirik» («Hayy ibn Yaqzon») kabi asarlari ham ramziy-majoziy uslubda, «Salomon va Ibsol» esa ishqiy-sarguzasht asardir. Ibn Sino shoir sifatida doston, qasida, gʻazal, ruboiy, fardlar yaratgan.
Asarlari: «Kitob ash-shifo», «Donishnoma», «Kitob al-qonun fi-t-tib» («Tib qonunlari kitobi», 5 kitob, 14 jilddan iborat boʻlgan), «Salomop va Ibsol», «Yusuf qissasi», «Risolat at-tayr» («Qush risolasi»), «Uygʻoq oʻgʻli Tirik», «Tibbiy urjuza», «Faan ash-sheʼr» («Sheʼr sanʼati», sheʼr ilmi, yunon sheʼriyatining tur va shakllari haqida), «Musiqa ilmida katta toʻplam» va boshq.