Abraxam Valdelomor

Abraxam Valdelomor (1888–1919) – perulik yozuvchi, shoir, dramaturg, jurnalist. Kambagʻal oilada tugʻilib oʻsgan A. Valdelomor 1910-yili San-Markos milliy universitetining filologiya fakultetini bitirgach, oʻzini dastlab jurnalistika sohasida sinab koʻrgan. A. Valdelomor Peru avangard adabiyotining asoschisi sanaladi. Uning turfa xil uslubda yozilgan hikoyalarida erkin ijodiy tajriba yetakchilik qiladi. A. Valdelomor sheʼriyat va dramaturgiyada ham sermahsul ijod qilgan.