Dardisar. Xurshid Abdurashid

#MenOʻqiganKitob

🧞 Xurshid Abdurashid. "Dardisar" (2022)

📓 "Mr. BBC" reytingi: 5.30/10
⭐️ Shaxsiy ball: 6/10

Kitob nima haqida? Hammasi Hotam ismli muammolar girdobida, qarzlar botqog'ida qolgan Hotam ismli yigitning nogahon almisoqdan qolgan noodatiy sehrli chiroqni topib olib, uning ichidan bir necha yuz yillardan beri uxlab yotgan jinni ozod qilishidan boshlanadi.

Afsuski bu jinning "amal qilish muddati" o'z nihoyasiga yetgan bo'lib, istalgan tilakni amalga oshirish "funksiya"si allaqachon ishdan chiqqan edi. Foydasi yo'q jin kimga ham kerak edi? Ortiqcha dardisar.

Jarayon jinni jamiyatga moslashishi, undagi turfa xil odamlarning turfa xil hikoyalari bilan tanishishi hamda o'ziga yangi xulosalarni chiqarishi bilan davom etadi.

Kitobni kimlar o'qishi kerak? Asar fantastik mavzuda qo'l urilgan yangi ishlardan. Yozuvchining ilk nasriy ishi bo'lganligi sababli kamchiliklardan holi emas, albatta. Lekin kitobni umumlashtiruvchi g'oya juda yaxshi tanlangan. Aslida jin jamiyatga tutilgan oyna. Asar nomini boshqa qo'yish mumkin bo'lganda men kitobga "Oyna" deb nom bergan bo'lardim. Kitobni asosan 13-18 yosh orasidagi audiotoriya o'qisa, o'zi uchun yangi topilmalarni qo'lga kiritishi shubhasiz.

Kitob javonimda bu kitobga joy bormi? ❌  Hozircha yo'q. Shu sababli kitobni kanalimizdagi obunachilardan biriga sovg'a qilamiz. Faqat bitta sharti bor: izohlarda faqat 7-11-sinfda o'qiydigan obunachilar (bu yil maktabni bitirganlar ham) ketma-ketlikda raqam qoldirishsin. G'olibni random.org sayti yordamida tez orada aniqlaymiz.

🇺🇿 O'zbek adabiyotidan boshqa o'qigan asarlarim (https://t.me/BahodirMahmud/304)

👁 @BahodirMahmud