Zuhra Mamadaliyeva 1977-yili Jizzax viloyatida tugʻilgan. 1994-99-yillar Abdulla Qodiriy nomli Jizzax davlat pedagogika institutida, 2005-2007-yillar mobaynida Mirzo Ulugʻbek nomidagi Oʻzbekiston Milliy Universiteti qoshidagi Oliy Adabiyot kursida, 2007-2010-yillarda shu universitetning oʻzbek filologiyasi fakulteti aspiranturasida tahsil olgan. 2011-yili Alisher Navoiyning “Lison ut-tayr” dostonida ramziy obrazlar tizimi” mavzusida nomzodlik dissertatsiyasini himoya qilgan. 2015-yil “Lison ut tayr obrazlari: ramz va majoz olami” nomli monografiyasi nashr etilgan. Ijod namunalari respublikaning “Yoshlik”, “Sharq yulduzi”, “Oʻzbekiston adabiyoti va sanʼati”, “Turkiston”, “Gulxan” kabi matbuot nashrlarida hamda  yosh ijodkorlarning “Qaldirgʻochim”, “Vatanim deb seni uygʻondim” toʻplamlarida eʼlon qilingan.