Zoir Tursunov (Zoir Ziyo) 1963-yil 28-noyabr kuni Toshkent shahri Chilonzor tumanida tug‘ilgan. ToshDU (hozirgi O‘zbekiston Milliy universiteti)ning Jurnalistika fakultetida tahsil olgan.
U Zoir Ziyo taxallusida ijod qilgan. «Gulxan», «Mushtum» jurnallarida, «Toshkent oqshomi», «Xalq so‘zi», gazetalari hamda «Mehnat» nashriyotida faoliyat olib borgan va barakali ijod qilgan. Yozuvchining «Shirin hayot bandalari» (1996) nomli hikoyalar to‘plami, «Ortiqcha barmoq» (2007) hikoya va hajviyalar to‘plami, «To‘pponcha» (2010) nomli hajviy asarlar va hikoyalar to‘plami chop etilgan.