Zohidjon Xolov

Zohidjon Xolov 1986-yilning 17-oktabrida Parkent tumanida tugʻilgan. U 2003-yil Oʻzbekiston Yozuvchilar uyushmasi tomonidan Zominda oʻtkazilgan isteʼdodli yosh ijodkorlarning 7-anʼanaviy Respublika anjumanda ishtirok etgan. Shu yili “Kamolot” YoIH tashkillashtirgan “Isteʼdod – 2003″ koʻrik-tanlovida sheʼrlari yuqori baholanib, “Mohir ijodkor” nominatsiyasi boʻyicha I darajali diplom bilan taqdirlandi. 2004-yili 0’zDJTUning Xalqaro jurnalistika fakultetiga oʻqishga kirdi. Bakalavr yoʻnalishini 2008-yili tamomladi va hozirda mazkur fakultetning II kurs magistrantidir (2010). Jurnalistika sohasida rasman faoliyatini 2006-yili “Sogʻlom avlod» respublika gazetasida boshladi. 2007-yili Oʻzbekiston xalq yozuvchisi Oʻtkir Hoshimovning qisqacha soʻzboshi bilan “Olamvor orzular” nomli ilk sheʼriy toʻplami chop etildi. 2007-yili Oliy va oʻrta maxsus taʼlim vazirligi tomonidan oʻtkazilgan Respublika tanlovida Alisher Navoiy nomidagi davlat stipendiyasi sovrindori boʻldi.  Zohidjon ayni kunda “Maʼrifat” (2008) gazetasida ishlayapti.