Yuriy Kazakov

Kazakov Yuriy Pavlovich (1927–1982), rus yozuvchisi. 1927-yil 8-avgustda Moskvada tugʻilgan. 1946-1951-yillarda Gnesin nomidagi musiqa bilim yurtida taʼlim olgan. 1940-yillar oxirida Kazakov sheʼr yozishni boshlaydi, hikoya, pyesalar mashq qiladi. 1953-yili A. M. Gorkiy nomidagi Adabiyot institutiga kirgan yozuvchi 1956-yili “Moviy va yashil”, “Xunuk” (1956) hikoyalar toʻplamini nashr ettiradi. Uning ilk asarlaridan “Teddi” (1956) va “Arktur – tozi it” (1957) qissalari mashhur. Institutni tugatgandan soʻng (1958), Kazakov Pechora, Tarus va boshqa joylarga sayohat qiladi. Sayohat ilhomi oʻlaroq “Yoʻlda” (1960), “Yigʻlayman va hoʻngrayman” (1963), “Laʼnati Shimol” (1964) hikoyalari yaraladi. Aksakovning “Shimol kundaligi” (1977) “Nestor va Kir” (1961), “Qor oʻradagi bola” (1972–1976), “Eman oʻrmonlarida” (1969) kabi asarlari mashhur. Kazakov qozoq yozuvchisi A. Nurpeisovning asrlarini rus tiliga tarjima qilgan.