Yan Parandovskiy (Jan Parandowski) zamonaviy polyak adabiyotining taniqli namoyandalaridan biri. “O‘t tutashgan osmon” (1935–36), “Pet­rarka” (1954–55) romanlari, hikoya va esselari e’lon qilingan. Biroq u badiiy asarlari bilan emas, ko‘proq ilmiy-ommabop asarlari hamda biografik romanlari tufayli shuhrat qozongan. Adibning eng mashhur asari “So‘z kimyosi” (1951) bo‘lib, unda adabiyotning betakror dunyosi qiziqarli tarzda ochib berilgan. Asar o‘nlab tillarga tarjima qilingan.