Eron adabiyotining yorqin namoyandalaridan hisoblangan Xusrav Shohoniy (خسرو شاهانی) 1930-yilda Mashhadda tugʻilgan. 1958-yildan boshlab Tehronda chop etiladigan “Ravshan fikr”, “Qahqaha”, “Oq-u qora” jurnallarida hikoyalari bosila boshlagan. “Qahqaha”ning har bir sonida Namatmol (kigiz bosuvchi) taxallusi bilan felyetonlari eʼlon qilingan. U ijtimoiy-siyosiy, odob-axloq, madaniyat masalalariga koʻproq eʼtiborini qaratgan va barcha zamonlarda hajvchilar uchun dasturilamal boʻlgan qarama-qarshilik, mubolagʻa, sharj, karikatura, parodiya singari usullardan unumli foydalangan.