Xoldor Vulqon 1959-yil 3-may kuni Andijon viloyati, Oltinkoʻl tumanida tugʻilgan. 1980-yildan 1990-yilgacha bezovchi rassom  sifatida turli tashkilotlarda ishlagan. 1990-1996  yillarda  Toshkent Davlat Universitetining Filologiya fakultetida tahsil olgan. 1975-yildan beri sheʼrlar  va nasriy asarlar yozadi. “Tumanli dalalar qoʻshigʻi”, “Laylatulqadr”, “Tungi  laylakqor”  nomli sheʼriy kitoblari Toshkentda chop etilgan. 1999-yil avgust oyidan Oʻzbekiston Yozuvchilar Uyushmasi aʼzosi. Shu kungacha  4 ta sheʼriy kitob,  5 ta  qissa, 2 ta roman yozgan.