Astafev Viktor Petrovich (1924. 1. 05, Divnogorsk, Rossiya – 2001. 29. 11, Krasnoyarsk, Rossiya) – rus yozuvchisi. “Oʻgʻirlik” (1966), “Shohbaliq” (1976), “Choʻpon va choʻponqiz” (1971) kabi asarlari urush, Sibir qishloqlaridagi hayot, kishilarning ayanchli ahvoli haqida.
“Soʻnggi taʼzim” (1–2-kitob, 1971–79) avtobiografik qissa va hikoyalar turkumida yozuvchining bolaligi aks etgan. “Laʼnatlangan va oʻldirilganlar” (1-kitob, 1992) romanida harbiy kazarmalarning mudhish holati, sobiq Ittifoqida amalda boʻlgan jazolash tizimining shafqatsiz qurbonlari – oddiy askarlarning azob-uqubatlari bayon etilgan.