Uygʻun Roʻziyev

Uygʻun Roʻziyev 1974-yil 30-yanvarda Samarqand viloyati Qoʻshrabot tumanidagi Joʻsh qishlogʻida tugʻilgan. 1996-yili Samarqand davlat universitetining oʻzbek filologiyasi fakultetini tamomlagan. Turli yillarda “Zarafshon”, “Turkiston” gazetalarida, Oʻzbekiston Milliy axborot agentligida faoliyat yuritgan. Hozirda Oʻzbekiston Yozuvchilar uyushmasida masʼul kotib lavozimida mehnat qilmoqda. Uning “Atirgul” romani (1999), “Qadr kechasi” (2004), “Togʻlar iskanjasi” (2006), “Oq choʻqqining bolasi” (2006) qissalari, “Tongda qaytgan kaptar” (2001) hikoyalar toʻplami chop etilgan.