Usmon Cheviksoʻy (Osman Çeviksoy) 1951-yili Chorumda tugʻilgan. Anqara Gʻoziy universitetini bitirgan. Xakkari, Qirqqalʼa, Anqara maktablarida oʻqituvchi (1971-1981), Germaniyada turk tili oʻqituvchisi (1982-1987), turk tili adabiyoti dasturi komissiyasida (1990-1995) ishlagan. Hozirda Yevrosiyo Yozuvchilar uyushmasi raisi oʻrinbosari, uyushmaning hikoya shubasi boshligʻi.
1968-yildan beri uning sheʼr, hikoya va romanlari bir qancha adabiy jurnallarda chop etib kelinadi. Ilk kitobi 1982-yili chop etilgan. “Bir moviy tuman” hikoyasi asosida videofilm olingan. “Boshimga togʻlar tushdi” romani asosida radio-drama tayyorlangan.
Uning 15 dan ortiq hikoya kitoblari, 2 ta romani, birqancha darsliklari nashr etilgan.