Tommazo Landolfi (9-avgust 1908, Piko, Kazerta – 8-iyul 1979, Ronchilone, Italiya) – italyan yozuvchisi va tarjimoni. Rim va Florensiyada oʻqigan. Anna Axmatova ijodidan diplom ishi yoqlagan (1932). 1929-yildan ijodga kirib kelgan. Florensiya i Rimdagi jurnallarda oʻz ijod namunalari bilan qatnashgan. Fashizm rejimiga qarshi chiqqani uchun bir oy qamoqda oʻtirgan (1943). Urushdan soʻng qizgʻin ijod bilan shugʻullangan. Ruscha, fransuzcha va nemischadan tarjimalar qilgan (Pushkin, Lermontov, Gogol, Dostoyevskiy, Tyutchev, Turgenev, Dostoyevskiy, Leskov, Chexov, Bunin, Node, Merime, aka-uka Grimmlar, Gofman, Gofmanstal, Kafka). Tommazo Landolfi Strega, Kampello, Viaredjo, Bagutta kabi Italiyaning mashhur adabiy mukofotlari sovrindoridir. Uning “Imkonsiz hikoyalar” (1966) fantastik novellalar toʻplami, “Kuz ertagi” (1947), “Zamonamiz sevgisi” (1965) kabi asarlari mashhur.