Tinimboy Nurmag‘ambetov

Tinimboy Nurmagʻambetov (10. 6. 1945, Qiziloʻrda viloyati) – qozoq yozuvchisi. Qiziloʻrda pedagogik institutini (1968), Moskvadagi M. Gorkiy nomidagi oliy adabiyot kursini bitirgan (1981). Qiziloʻrda viloyati radio komitetida, “Yozuvchi” nashriyotida muharrir, “Qazaqfilm” kinostudiyasi ssenariylar kollegiyasida turli xizmatlarda ishlagan. 1996-yildan “Qozoq eli” gazetasi muharririning oʻrinbosari. Birinchi hikoyalar toʻplami 1971-yili “Qovun hidi” nomi bilan chop etilgan. U “Yoʻqolgan koʻl”, “Kampirlar hukmi” pyesalari, “Turnalar uchib boradi” telefilmi ssenariysi muallifi. Kitoblari: “Xayr, ota”. Qissa va hikoyalar (1972); “Qaldirgʻoch uyasi”. Qissa va hikoyalar (1975); “Ota hovlisi”. Hikoyalar (1980); “Daryoning narigi tomoni”. Qissa va hikoyalar (1981); “Boyteraklar”. Qissa va hikoyalar (1986); “Ovul tutuni”. Roman. (1989); “Tanlangan asarlar” (1997); Ikki jildlik saylanma (2005–2006); “Afgʻon qushlari” (2009).