Yaponiyalik adib Tetsuo Miura Xatinoxe shahrida tugʻilgan. Tetsuo 1949-yili Tokiodagi Vaseda universitetiga kiradi, biroq oilaviy sharoit tufayli ona shahriga qaytib, oʻrta maktab oʻqituvchisi boʻlib ishlaydi. 1953-yili oʻqishini tiklab, 1957-yili universitetning fransuz adabiyoti boʻlimini tamomlaydi. Uning dastlabki hikoyasi 1955-yili jurnalda eʼlon qilinadi. Keyinchalik qator hikoyalar toʻplamlari nashrdan chiqadi va adib bu kitoblari uchun Ryunoske Akutagava, Yasunari Kavabata nomidagi mukofotlar bilan taqdirlanadi.