Teresa de la Parra

Venesuelalik adiba Teresa de la Parra (Teresa De La Parra; toʻliq ismi Ana Teresa Parra Sanoxo) Parijda, venesuelalik konsul oilasida tugʻilgan. Uning ilk hikoyalari 1915-yil “El-Universal” jurnalida chop etiladi. “Ifigeniya: yosh ayolning boshidan kechirganlari”, “Blanka ona xotiralari”, “Xatlar” kabi asarlari T. de la Parra ismini ijodkor sifatida tanitadi.
Eʼtiboringizga havola etilayotgan “Karakaslik xonimning kundaligi” hikoyasini yozishga adibaning singlisi yuborgan xatlar turtki boʻlgan, ayrim hayotiy voqealar asarga ham koʻchib oʻtgan.